Жақында «Жарқын Болашақ» бағдар­ламасының елордада білім алып жатқан студенттерімен мотивациялық кездесулер өтті. «ҚазМұнайГаз» ком­паниясының адами ресурстар жөніндегі бизнес серіктесі Гүлшара Наушақызы мен Bilim Foundation қорының президенті Ерлан Аман­жолұлы жиынға арнайы қатысып, бағ­дарлама студенттерімен пікір алмасып, оқу орындар­ының тыныс-тіршілігімен танысты.

«Жарқын Болашақ» бағдарламасының грант иегері Шапағат Қуантқан туралы мақала жарияланды. Алматы қаласындағы Digital колледжінің 2-курс студенті Шапағат Қуантқан қазіргі таңда «Бағдарламалық қамтамасыз ету» мамандығында білім алуда.

Оның IT саласына келуі кездейсоқ немесе сәнге ерген таңдау емес. Бұл қызығушылық мектеп кезіндегі қарапайым үйірмеден басталып, бүгінгі таңда нақты мақсатқа айналды.

Алматы қаласындағы Абай ұлттық мектебінде «Жарқын Болашақ» бағдарламасы аясында студенттермен ашық мотивациялық кездесу өтті. Қазақстанның адами капиталын дамытуға үлес қосу, жастардың білімге деген ынтасын арттыру және олардың кәсіби тұрғыда білікті маман болып қалыптасуына қолдау көрсету мақсатында ұйымдастырылған шараға 250 студент қатысып жатыр. Осы орайда Ult.kz тілшісі іс-шараның спикері «Bilim Foundation» корпоративтік қорының президенті Ерлан Айтмұхамбетпен сұқбаттасты. 

«Ana tili» газеті: «Жасанды интеллект: қауіп пе, мүмкіндік пе?»

«Bilim Foundation» корпоративтік қорының президенті Ерлан Айтмұхамбет «Жарқын Болашақ» бағдарламасының негізгі мақсаты – жастарға уақытша көмек беру емес, елдің адами капиталына ұзақмерзімді инвестиция салу екенін атап өтті.

Маңғыстау облысынан 100-ден астам жас Ақмола және Солтүстік Қазақстан облыстарындағы колледждерде білім алуда. Олар техникалық, гуманитарлық, ауыл шаруашылығы және педагогикалық салалардағы сұранысқа ие мамандықтарды, сондай-ақ төтенше жағдайларға дайындықты игеруде. «Жарқын болашақ» бағдарламасының арқасында маңғыстаулықтар үшін осы және басқа да дағдыларды игеру мүмкіндігі туды. Бүгінгі таңда біздің аймағымыздың студенттері тек оқуда ғана емес, сонымен қатар спорт пен мәдениетте де айтарлықтай жетістіктерге жетуде.

Қарағандыдағы колледждерде жүзге жуық маңғыстаулық білім алуда. «Жарқын болашақ» жобасы оларға осыған көмектесуде. Олар Қарағандыны бекер таңдамады: елдің ірі өнеркәсіптік орталығы техникалық және медициналық мамандарды даярлауда көшбасшы.

Қазіргі таңда жұмыс берушілер әмбебап әрі кәсіби қызметкер іздейді. Еңбек нарығындағы талапқа сай болу үшін жастардың білімі мен біліктілігінің қатар дамуына мән беру керек. «Адал азамат – Адал еңбек – Адал табыс» қағидасына толық сай болу үшін «Жарқын Болашақ» бағдарламасы жастарды жан-жақты дамытып келеді. Осы жөнінде «Bilim Foundation» қорының жетекшісі Ерлан Аманжолұлымен сұхбаттасқан едік.

Грант иегерлеріне жоба үйлестірушілері толығымен ақпараттық, логистикалық және психологиялық қолдау көрсетіп отырады.

Мемлекет басшысы Қасым-Жомарт Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзінде:

«Бала есейген соң қанаттанып, ұядан ұшуға тиіс. Басқа аймақтарда, тіпті, шетелде білім алуы қажет. Өзге жұрттың қалай өмір сүріп жатқанын көргені абзал. Сондай-ақ қай жерде өзіне және еліне пайдасы тисе, сол жерге барып еңбек етуі керек.

Озық дамыған мемлекет құру үшін біздің азаматтарымыз жаңаша ойлай білуге және жасампаздыққа ұмтылуы керек. Сол себепті біз қоғамда білімпаздықты дәріптеуге, білім және ғылым саласын дамытуға баса мән беріп келеміз», - деп атап өткен еді.  

Осы мақсатқа сәйкес «ҚазМұнайГаз» Ұлттық компаниясының тікелей қаржыландыруымен және қолдауымен жүргізіліп келе жатқан «Жарқын Болашақ» Бағдарламасы елдегі адами капиталды дамытуда мультипликативтік нәтиже көрсетіп келеді.

Қазіргі кезде Бағдарлама аясында Жаңаөзен қаласы, Маңғыстау, Түпқараған, Қарақия аудандарынан 674 бала еліміздің 11 өңірінде орналасқан 56 білім ордасында білім алып жатыр. Сонымен бірге биыл Маңғыстау облысының Бейнеу, Мұнайлы аудандарының жастары да өтініш беріп, Бағдарламаның қатысушысы бола алады.

Биыл 6 маусымға дейін аталған өңірде білім алып жүрген орта мектеп оқушылары мен 18-22 жастағы жастар zharqynbolashaq.kz сайты арқылы өтініш беріп, 2024-2025 оқу жылына арналған 600 оқу гранттарына қатыса алады.

10-13 маусым аралығында Ақтау және Жаңаөзен қалаларында Білім беру ұйымдарының көрмесін өткізу жоспарланып отыр. Көрмеде еліміздің ең алдыңғы қатарлы мектептері мен колледждері өздерінің экономикалық сұранысқа ие мамандықтары туралы толық ақпарат ұсынады. Көрме барысында жастар іріктеуден өтіп, грант иегері атана алады.

Грант иегерлеріне жоба үйлестірушілері толығымен ақпараттық, логистикалық және психологиялық қолдау көрсетіп отырады. Олармен үнемі байланыста болып, бағыт-бағдар береді. Грант иегерлерінің оқу ақысы төленіп, жоғарылатылған шәкіртақы тағайындалады, оқу демалысындағы жол шығындары белгілі мөлшерде өтеледі.

Қазіргі таңда Бағдарлама ұйымдастырушылары аймақтарды аралап, мектептердегі оқушыларға түсіндіру жұмыстарын жүргізіп жатыр. Аймақтардың білім бөлімі басшылары, мектеп директорлары, кәсіби бағдар берушілермен жүздесіп, Бағдарламаның мүмкіндіктері туралы толыққанды ақпараттар беруде.

Осындай мүмкіндіктерді пайдалана отырып жастарымыз өз бойындағы дарынын ұштап, еліміздің жарқын болашағының қалануына септігін тигізетін білікті кадрларға айналады деп сенім білдіреміз.

Е.Айтмұхамбет

Bilim Foundation қорының жетекшісі

Маңғыстаулық 674 жасөспірім «Жарқын Болашақ» бағдарламасымен білім алып жатыр. Бұл туралы «Bilim Foundation» корпоративтік қорының баспасөз қызметі хабарлады.

Бағдарлама аясында конкурстық іріктеуден өткен өрендер еліміздің маңдайалды мектептері мен колледждерінде оқу мүмкіндігіне ие болады. Қазіргі таңда олар 11 өңірдегі 57 білім беру ұйымында білімін жетілдіріп, ерік-жігері мен күш-қайратын өзін-өзі дамыту жолында сарп етеді.

Колледждерден бөлек IQANAT, Алматыдағы Республикалық физика-математика мектебі, Абай атындағы Республикалық мамандандырылған мектеп-интернаты, Тараз қаласындағы 125 HIGH SCHOOL бар. Тұлға ретінде қалыптасуына жағдай жасау мақсатында білім алу ақысы, жатақханасы, барып-келу жолы және жоғарылатылған шәкіртақы төлемдерінің барлығы қарастырылыпты.

Бағдарламаға 12-18 жас аралығындағы жастар қатыса алады, сонымен қатар мектеп бітіріп кеткен 18-22  жастағылар да білім алуына мүмкіндік беріледі.  15 жастан бастап колледждерге түсіп, белгілі бір салада жұмыс істеу үшін қажетті білімдер мен дағдыларды меңгереді. Олар құзіреттілігін арттыра отырып еңбек нарығында сұранысқа ие мамандықты тегін игере алады.

Үйлестірушілер оқушылар мен студенттердің теориялық білімінде анықталған кемшін тұстарын оқу процесінде түзету қажеттілігін айқындайды. Кез келген бала психологтың көмегіне жүгініп,  іштегі толассыз сезімдер мен эмоциялармен бөлісе алады. Жақын арада грант иегерлерінің жағдайымен танысу үшін Алматы, Қостанай, Қарағанды, Көкшетау, СҚО іссапар ұйымдастырылды, - дейді «Bilim Foundation» корпоративтік қорының президенті Ерлан Аманжолұлы.

Айта кетейік, бағдарлама «ҚазМұнайГаз» ұлттық компаниясы мен «Samruk-Kazyna Trust» корпоративтік қорының қолдауымен жүзеге асып жатыр.