Жарқын Болашақ

«Жарқын Болашақ» – Маңғыстау облысының жастарына арналған білім беру бағдарламасы. Бағдарлама жастарға тегін білім алу мүмкіндігін ұсынып, олардың кәсіби және жеке дамуына қолдау көрсетеді. Жоба «ҚазМұнайГаз» ұлттық компаниясы мен Samruk-Kazyna Trust әлеуметтік жобаларды дамыту қорының қолдауымен жүзеге асып келеді. Бағдарлама екі бағыт бойынша жұмыс істейді: мектептерде оқуға арналған білім гранттары және колледждерде оқуға арналған білім гранттары.

Бағдарлама артықшылықтары

• Қазақстанның үздік колледждері мен мектептерінде білім алу;
• тегін оқу және жатақхана;
• жоғарылатылған шәкіртақы;
• белгіленген көлемдегі жол шығындары;
• кәсіби және жеке даму мүмкіндіктері;
• кәсіби бағдар беру;
• менторлар қолдауы;
• психологиялық қолдау.

Бағдарламаға 12-22 жас аралығындағы Жаңаөзен қаласы мен және Маңғыстау, Түпқараған, Қарақия, Мұнайлы, Бейнеу аудандарының жастары қатыса алады. Бағдарлама аясында Астана, Алматы, Қарағанды, Қостанай, Тараз, Семей, Көкшетау, Өскемен, Петропавл қалаларындағы оқу орындарына түсуге болады. Бағдарлама қатысушылары гуманитарлық, спорттық, техникалық, экономикалық және өнер бағыттары бойынша, сондай-ақ медицина саласында білім ала алады. Жалпы алғанда «Жарқын Болашақ» аясында 100-ден астам мамандық ұсынылған.